La poesia” Li purciddhruzzi” attraverso il dialetto neretino racconta una delle tradizioni più care della nostra terra: la preparazione dei “purciddhruzzi”.
Questi dolci, simbolo della festa, sono preparati durante il periodo natalizio, unendo l’arte culinaria a un momento di festa in famiglia. “Li purciddhruzzi” non sono solo un alimento, ma rappresentano anche un legame affettivo, un ricordo che si tramanda di generazione in generazione. Il loro dolce gusto, avvolto nel miele, è una metafora della dolcezza della vita e della tradizione salentina.
La poesia esprime con parole semplici e ricche di significato il calore della famiglia e la convivialità del rito culinario, che si svolge nei giorni precedenti il Natale. Ogni verso è intriso di immagini evocative che ci riportano a quei momenti di preparazione collettiva, quando tutti, grandi e piccoli, si riuniscono per preparare questi dolci come segno di amore e di appartenenza alla propria cultura.
L’utilizzo del dialetto preserva l’autenticità e l’intimità di un linguaggio, che purtroppo rischia di essere dimenticato dalle nuove generazioni.
Mariella Adamo e Lucia Bove
Li purciddhruzzi
Natale è quasi quasi rriatu
e, prima cu nasce lu Bumbinieddhru tantu amatu,
li nardiati si ccumenzanu a manisciare
piccè li purciddhruzzi onu priparare.
Lu ndore si sente intra alla casa ricca e puireddhra,
a mmienzu alla chiazza e alla chiazzeddhra,
alli stramurali, a mmienzu alla ia
e intra a tuttu lu pittaci mia.
Li purciddhruzzi si facinu cu cose sane,
cu quiddhru ca nc’ete a casa ti li cristiane,
ma teninu nu bbuenu sapore
e so mpastati cu tantu amore.
Cu li pripara nci pensa la nonna Cia
ca si ricorda ti quandu li facia,
cu mammasa, cu quarche agnone
e cu li icine ti lu rione.
La nonna mpiccia lu fuecu intra la cucina,
cerne la semula e la farina
cu la sitella mpristata ti cummare Nzina
piccè la sua s’è scasciata l’addhra matina.
Pigghia l’anisetta, lu zuccaru ti la puteca ccattatu,
li bortacalli, lu sale, l’uegghiu sfumatu
li mandarini, la cannella ca sirà co ndora
e cu li manu sperte tempira e tempira ancora.
Mboccia la paddhrottula cu na mappina
cu cresce allu cautu ti la cucina,
topu nu paru d’ore face tanti sirpintieddhri
e li tagghia a stuzzarieddhri.
Quandu l’uegghiu ti ulia ccumenza a sfumare
li purciddhruzzi intra lu tecame pote minare,
poi li caccia cu la cazza, li mente intra la scolapasta
e addhrà li lassa pi lu tiempu ca basta.
Tuttu l’uegghiu a’ sculare cu li pote cunfittare,
cu lu mele rricalatu ti la cummare
e alla fine cu li anesini e li mendule li cconza beddhri beddhri
intra li piatticeddhri.
Li purciddhruzzi so’ cose tuci ti lu Salentu
ca facinu lu palatu cuntientu,
so’ pi li ricchi e pi li puirieddhri
e piacinu alli crandi e alli piccinnieddhri.
Comu si priparanu è tramandatu ti fili a filori
e ogni famiglia sconde lu secretu ti tante generazioni.
